ایران امریکہ کشیدگی میں اضافہ، ٹرمپ کا ردعمل مسترد

ایران امریکہ کشیدگی میں اضافہ ہوگیا ہے کیونکہ ایرانی سرکاری میڈیا نے ٹرمپ کے ردعمل کو غیر اہم قرار دے دیا ہے۔

ایرانی میڈیا کے مطابق ملک کی پالیسیاں کسی بھی بیرونی دباؤ یا امریکی قیادت کو خوش کرنے کے لیے نہیں بنائی جاتیں بلکہ قومی مفادات کو مدنظر رکھا جاتا ہے۔

رپورٹ میں کہا گیا ہے کہ اگر ٹرمپ ایران کے مؤقف سے خوش نہیں تو یہ ایران کے لیے ایک مثبت اشارہ ہے، جو اس کی خودمختاری کو ظاہر کرتا ہے۔

ایرانی سکیورٹی ذرائع نے امریکی تجاویز کو غیر حقیقت پسندانہ اور حد سے زیادہ قرار دیتے ہوئے کہا کہ انہیں قبول کرنا ہتھیار ڈالنے کے مترادف ہوگا۔

پاکستان نے ایران کے خلاف کارروائی نہ کرنے کی درخواست کی، ٹرمپ کا دعویٰ

ذرائع کے مطابق امریکا کے مطالبات سفارتی اصولوں سے ہٹ کر تھے، جس کی وجہ سے ایران نے انہیں مسترد کر دیا۔

ایران کی تجاویز میں جنگی نقصانات کے معاوضے کی ادائیگی کا مطالبہ بھی شامل تھا، جو دونوں ممالک کے درمیان دیرینہ تنازعات کی عکاسی کرتا ہے۔

اس کے علاوہ ایران نے آبنائے ہرمز پر اپنی خودمختاری پر زور دیا، جو عالمی تجارت اور توانائی کے لیے نہایت اہم راستہ ہے۔